Este venres, 23 de novembro, a sede de Afundación en Ourense acollerá un curso de Seguridade en Eventos organizado pola Asociación Galega de Xestores Deportivos (Agaxede), así como a entrega dos IX Premios Galicia á Xestión Deportiva, nos que o galardón para a mellor actividade ou programa deportivo foi para o Día da Educación Física na Rúa-María Pita 2018, un proxecto impulsado polo Consejo COLEF e liderado na Coruña por colexiados co COLEF Galicia. No curso participarán como relatores José Luis Gómez Calvo e os colexiados Eduardo Blanco (presidente de Agaxede) e David Fabeiro Agraso. Será ao rematar esta actividade formativa, a partir das 20.00 horas, cando se entreguen os premios. Reiteramos os nosos parabéns aos e ás galardoados!