“DISTINTIVO EFD®: “MÁXIMA GARANTÍA PROFESIONAL” O distintivo #EFD é un selo de calidade que outorga o COLEF Galicia ás empresas e entidades que cumpren cos máis altos estándares de profesionalidade no ámbito da educación física e o deporte”.
O COLEF Galicia fai entrega a Xeito. Adestramento e Saúde, Rúa Rosalía de Castro, nº 11, 36380 Gondomar (Pontevedra), que acaba de obter o seu “Distintivo EFD®: Máxima Garantía Profesional” como CENTRO DE REFERENCIA.
Isto significa para as persoas usuarias que o centro é sinónimo de máximas garantías profesionais. É dicir, a dirección e o equipo técnico contan con titulación universitaria en Ciencias da Actividade Física e do Deporte, colexiación vixente na modalidade exercente no COLEF Galicia e seguro de responsabilidade civil.
Víctor Manuel Da Silva Cebreiro #EFD Nº 71.889
Víctor fai fincapé na importancia de “ofrecer un adestramento individualizado, próximo e baseado na evidencia científica, adaptando cada proceso ás necesidades, capacidades e obxectivos de cada persoa.”
“Deste Xeito apostamos por un exercicio físico seguro, planificado e supervisado por profesionais cualificados, poñendo no centro á persoa e acompañándoa durante todo o proceso para mellorar a súa forza, funcionalidade, saúde e calidade de vida.“