DEFR 2026

«EF 2.0: Movendo corpos, conectando mentes» non é un slogan, é unha declaración educativa. Nunha sociedade onde o movemento grávase, compártese e compárase constantemente, a Educación Física ten a responsabilidade de ofrecer un espazo seguro onde o alumnado poida comprender o seu corpo sen presións externas. O #DEFR2026 convida os centros educativos a mostrar como a EF ensina a usar a tecnoloxía con criterio e a distinguir entre prácticas saudables e discursos baleiros, construíndo unha relación máis consciente coa actividade física. Sacar a EF á rúa é reivindicar que o movemento segue sendo unha experiencia humana, social e educativa, tamén na era dixital. Cada centro que participa no DEFR contribúe a unha mobilización colectiva que lembra algo esencial: a Educación Física educa para a vida.

Día da Educación Física na Rúa 2026 #DEFR2026 🤸🏻‍♂️⛹🏼🧗🏻#DEFC2026  O COLEF Galicia participou nesta xornada tan especial, celebrada en A Coruña, colaborando nunha acción conxunta organizada polo @centroliceolapaz a través da nosa colexiada Noa Irago Mosquera #EFD 67.786.

En toda Galicia participaron 62 centros educativos e +7.700 alumnos/as.

✔️Un agradecemento especial a @grupojimsports que a través da súa Fundación HBL, como vén facendo dende hai anos, colaborou con camisetas e agasallos para os e as participantes, fortalecendo o compromiso co deporte, a saúde e a educación.

✔️Desde COLEF Galicia queremos facer un chamamento ás administracións públicas: é imprescindible apostar por unha Educación Física con profesionais titulados/as e colexiados/as (EFD) como garantía de calidade, seguridade e equidade, desde as etapas educativas máis temperás ata todas as fases da vida.

Apostar pola Educación Física é apostar por unha cidadanía máis activa, máis sa e con máis valores.

#DEFR2026 #Edufis #1HoraEFDiaria #DeporteSaúde #SaúdeFísica #SaúdeMental #EducaciónFísicaEsencial #MáisEF