Desde o 1 de outubro está aberto o período oficial de inscrición ao curso en Competencias Dixitais aplicadas ao ámbito da Educación Física e Deportiva. As persoas que realizaron a pre-reserva en agosto e setembro foron as primeiras en recibir a notificación nos seus correos electrónicos, o que lles ofrece unha vantaxe para formalizar a súa praza canto antes. A partir de agora, todas as persoas interesadas poden inscribirse e, se a súa solicitude é aprobada, poderán comezar a formación o próximo 13 de outubro.
Queda aberto o proceso oficial de inscrición ao Programa Formativo en Competencias Dixitais aplicadas ao ámbito da Educación Física e Deportiva, unha formación de referencia, gratuíta e valorada en 2.500 € por persoa. O curso está dirixido a profesionais con titulación universitaria en Ciencias da Actividade Física e do Deporte colexiados en calquera dos 17 COLEF/COPLEF autonómicos.
Este curso forma parte do macroprograma estatal de Competencias Dixitais impulsado por Unión Profesional con financiamento NextGenerationEU, e sitúa ás e os educadores físico deportivos na vangarda da transformación dixital do sector. É unha ocasión excepcional para actualizar competencias, mellorar a empregabilidade e fortalecer a calidade dos servizos de educación física, actividade física e deporte en todos os ámbitos profesionais.
Quen complete a inscrición e sexan admitidos poderán comezar o luns 13 de outubro, accedendo directamente á plataforma formativa. Deste xeito, o inicio será inmediato para o alumnado, que poderá avanzar no seu itinerario desde os primeiros días tras a apertura de inscricións.
PRE-RESERVAS E ALTA DEMANDA
Durante os meses de agosto e setembro estivo dispoñible un formulario de pre-reserva. Case dous mil educadoras e educadores físico deportivos completárono, mostrando así o seu interese en participar. Estas persoas foron as primeiras en recibir nos seus correos electrónicos a notificación de apertura de inscricións, gozando dunha vantaxe temporal para formalizar a súa matrícula. A alta participación na pre-reserva confirma a expectación que esperta esta formación e anticipa que a adxudicación de prazas será moi axustada.
UN CURSO CON AVANCE FLEXIBLE E ACOMPAÑAMENTO PERSONALIZADO
O curso está deseñado para que cada persoa poida organizar o seu progreso de maneira totalmente flexible e adaptable ás súas necesidades. O itinerario comeza coa parte transversal en liña (40 horas), común a todas as profesións colexiadas (na que ademais poderás elixir entre diversas accións formativas), e continúa coa parte específica en liña (80 horas), orientada á realidade da Educación Física e Deportiva. Ambas as seccións poden completarse ao ritmo de cada participante, o que permite compatibilizar a formación coa vida profesional e persoal.
Durante todo o proceso, o alumnado contará co apoio de mentores e titores, que lles guiarán e resolverán dúbidas para favorecer que avancen con éxito. Con todo, é importante lembrar que, antes de acceder á fase presencial obrigatoria, deberase superar unha porcentaxe mínima tanto da formación en liña asíncrona como da síncrona.
PANEL DOCENTE
Un dos grandes atractivos desta formación é a calidade do seu equipo académico. O panel de autores e docentes da parte específica en liña, que estará dispoñible para consulta a próxima semana no novo dossier informativo e apartado web do programa, integrado por profesionais de recoñecido prestixio no ámbito universitario, a investigación aplicada e a práctica profesional da Educación Física e Deportiva. Cada módulo foi deseñado e desenvolvido por especialistas na súa materia, o que garante un itinerario rigoroso, innovador e adaptado ás necesidades reais da profesión. O alumnado terá así acceso a contidos elaborados por referentes que hoxe lideran a transformación dixital no noso sector, o que confire ao curso un valor engadido único.
CALENDARIO DE WEBINARS E PARTE PRESENCIAL
Proximamente farase público o calendario das 10 horas de webinar, que se impartirán en modalidade síncrona, así como as sedes e datas da parte presencial (20 horas). Ambas as accións formativas distribuiranse ao longo do primeiro semestre de 2026. É fundamental ter en conta que a certificación final require non só superar os contidos en liña, senón tamén asistir ao webinar e á parte presencial.
RECOÑECEMENTO INSTITUCIONAL E UNIVERSITARIO
O programa conta co recoñecemento do Goberno de España, a través do Ministerio de Transformación Dixital, ao formar parte do macroprograma estatal de competencias dixitais desenvolto por Unión Profesional e financiado por fondos europeos NextGenerationEU. Ademais, atópase en trámite o seu recoñecemento universitario con créditos ECTS, o que permitirá optimizar o seu uso como mérito en oposicións, procesos selectivos e programas de actualización formativa de distintos corpos funcionariais.
A apertura de inscricións marca un fito neste macroproyecto formativo. Cunha demanda que xa supera con fartura as prazas dispoñibles, este curso perfílase como unha oportunidade única para que as e os educadores físico deportivos reforcen as súas competencias dixitais e afronten con garantías os retos do futuro profesional.
REQUISITOS DE ACCESO E PRIORIZACIÓN
- Titulación universitaria en CAFyD.
- Colexiación en calquera dos 17 COLEF/COPLEF autonómicos.
- Completar correctamente o formulario de inscrición e superar a verificación de requisitos.
A tramitación e aprobación de solicitudes de inscrición será por orde temporal ata esgotar prazas.
COMO INSCRIBIRSE
1. Verifica que cumpres requisitos (titulación CAFyD e colexiación).
2. Completa o formulario de inscrición.
3. Inmediatamente recibirás un correo para verificar o teu email.
4. Cando confirmases o teu email, recibirás outro indicando que a túa solicitude de inscrición foi completada correctamente.
5. Nos seguintes dous días laborables verificaremos que cumpres os requisitos e, en caso afirmativo, recibirás un correo indicando que a túa solicitude foi confirmada.
6. Unha vez admitida/o, será o día 13 de outubro cando recibirás as claves de acceso á plataforma e poderás comezar o programa formativo.
Comezarás as primeiras semanas coas accións formativas da parte transversal, e posteriormente poderás acceder ao contido da parte específica para educadoras e educadores físico deportivos. Deixámosche aquí a guía do alumnado para que poidas coñecer de primeira man o funcionamento do Programa Formativo.
TES DÚBIDAS?
Na apartado web atoparás información ampliada. Se necesitas asistencia adicional, o equipo de formación do Consejo COLEF está dispoñible para axudarche durante o proceso de inscrición.